Arti Carpon Atawa Carita Pondok Dalam Bahasa Sunda

Carpon teh bagian tina sastra Sunda. anu dicaritakeunana teh hasil imajinasi (rekaan) pangarang, sok sanajan mungkin wae aya anu dumasar kana pangalaman nyata. dina carpon mah eta pangalaman teh diolah deui, ditambah ku imajinasi, tepi ka waktu dibaca teh karasa aya pangalaman batin anu nyangkur dina hate.

Maca carpon tangtu beda jeung maca tulisan sejen, upamana warta (berita). dina warta mah eusina teh sajalantrana, saluyuna jeung kajadian atawa buktina, sarta teu meunang dileuwihan atawa dikurangan sakumaha cek implengan pangarangna.

dina carpon teh aya anu disebut palaku, nya eta anu ngalalakon dina alur carita. Aya palaku utama anu jadi bagian pangpentingna tina carita, jeung aya palaku panambah atawa pangjangkep anu posisina dina carita teu kawas palaku utama.

Dina carpon teh aya deuih anu disebut suasana, nya eta naon-naon anu karasa jeung nimbulkeun kesan sanggeus eta carpon tamat dibaca.

Arti Carpon
Carpon (Carita Pondok) anu dina bahasa Indonesia biasa disebut Cerpen (Cerita pendek), nyaeta, tulisan rekaan (fiksi) anu carita na pondok sarta ngan ukur nyaritaken hiji kajadian atawa peristiwa. Carpon umumna nyaritakeun hal-hal anu sifat na realistis (Kisah nyata).

Ciri Carpon

Ciri-ciri Carpon diantarana :

1. Bisa rapih dibaca dina sakali maca
2. Alurna teu kompleks, Fokus ka hiji kajadian
3. Mere kesan bener - bener kajadian

Unsur Ekstrinsik Carpon
Nilai-nilai dina Carpon mangrupakeun Latar Belakang kahirupan Pangarang.

Teknik Nulis Carpon
1. Tema
2. Bahan Carita
3. Alur
4. Tokoh
5. Dialog
6. Sudut pandang
7. Prak-prakan