Tarompet Tungtung Taun
Karya: Didih
Maestratresna Rap
Panonpoe
Ah, panonpoe geus
tunggang gunung
Itu tarompet geus
ngabayak geus ngagarantung
Di juru alun-alun
Panonpoe
Itu panonpoe ngiles
diteureuy gunung
Tah, tarompet sorana
ngelak serak
Ngagentraan cundukna
waktu anyar
Sugan isuk aya keneh
fajar
Sugan isuk nyampak keneh
balebat
Kapan Desember geus
kedal ucap pileuleuyan
Tarompet, tah tarompet
geus tingjarerit
Nimbalan mangsa nu
kawatesanan
Nyungsi wanci nu
salawasna baganti
Gusti, boa iraha Salira
maparinkeun tarompet sangkakala
Ka Isrofil, tangara
ancurna dunya
Tangara datang mangsana
alam langgeng
Dicutat
tina Surat Kabar Mingguan Galura
Minggu
ka V, Januari 1997
Tidak ada komentar:
Posting Komentar